Buaina tawk ngai lo ila,
Thinglung pawh hi hlim reng se,
Chu ram mawi chu ka zawng ang em?
Zan awm ngai lohna ram chu,
Chauh chang te nei lo ila,
Phurritin min delh lo se,
Pathian pek thlamuanna chu
Zawn nachang ka hria ng em?
Damloh chang te awm lo se,
Napawh tuar ngai lo ila,
Chhandamtun min kai dawn se,
Ban nachang ka hria ang em?
Lungngaih hre ngai lo ila,
Engmah hloh ngia lo ila,
Ka thalrau hian kraws bulah
Hahdamna a zawng ang em?
Ka duhthusam thilte chu,
Nitin nei thei zel ila,
Pathian hmaah thingthiin
Dil nachang ka hria ang em?
Khawvawt hrehawm ka tuar nan
Thlasik hun hi awm lo se,
Thal khaw lum leh nuam tak hi
Ngaih nachang ka hria ang em?
Hei hi mahni ka inzawt
A chhanna pawh a chiang sa
Damchhungin hlim reng ila,
Na pawh tuar ngai lo ila,
Pathian ka ngai lovang a,
Koh nachang pawh ka hre lawng,
Lungngaihna tlakbuakte chuan,
A hmel an zawng zawk fo thin,
Tuarna avanga hmututen
An hmuh anga chiang rengin,
Tumahin kan Pa hmel chu
An hmu dawn si lo va.
Subscribe to:
Post Comments (Atom)
4 comments:
I titha hle mai,thian nangang hi nei lo ila chuan hethu hi ka hre lo tur, ka chhuang tak zet che.
ka chhiar, ka chhiar nawn leh, chutah ka chhiar chhuak leh vek... zawhna tam tak keimah leh keimah ka in zawt... a post tu chungah lawm thu ka sawi e
mate kha i titha ltk ringot adang poh han ngaihtuah zel roh
Kurpui,
Hei Kunming tangin i blog ka en thei hrama,a tha hle mai.Ka chhuang lutuk che.Lo ti zel rawh.
Post a Comment