Ka Tawngtaina

Lalpa, hrehawmna min pek avangin ka lawm e.

INTUMCHAWP PATHIAN

Thinlung chau leh ngui taka awm chang a lo awm thin, chung hunah chuan hun kaltawha Lalpa thlamuanna ka chunga lo thleng thin te ka ngaihtuah chhuak fo thin. Mahse, chung ang thil te chuan min thlamuan zo tawh thin si lo. Engvang nge? Enge a chhan? ti hian keimah leh keimah ka inzawt nawn fo thin a. A ngaihna reng reng hrelo in ka awm thin.

Pathian Thlarau Thianghlim zawk chuan, Keimahni ah Pathian chu Pathian anih zia lantir a, hun kal tawh ami, hun lo la awm tur ami ni lo in, TUN hun atan Pathian chu Pathian ani tih a inlantir duh vang leh keimahni ah ropuina, tun hun zelah AMAH intumchawp Pathian anih na anga inlantir hi a lo tum zawk tak chu ani tih chu Thlarau mitin ka hmu fiah leh ta. Keima nun ngeiah pawh hei hi a tum a lo ni.

Ka hnena awm Pathian hi Pathian nung, Abrahama Pathian, Isaka Pathian, Jacoba Pathian ngei chu ani tih ka hriat nawn leh na chuan nunah hlimna leh lawmna min pe thar leh in Thlamuanna thar duhawm tak chu a hun tak zel atan ka nei leh ta.

Lalpa thu

Nangmah inchawisang tura thil atthlak tak i lo tih tawh emaw, Thil tha lo i lo ngaihtuah tawh emaw anih chuan, I Ka hup rawh. ....... Thufingte 30:31

Keimah

Heti ve mai hi ka ni e.... :)

Thuhmaruai

A hmasain he blog min tlawh saktu zawng zawng chungah lawmthu ka sawi tak meuh a ni.

Mite anga thuziak mi ka nih loh avangin a phuailuai hle ang tih ka hria a, chhiartute ngaihdam ka dil nghal e. Thahnem ngai taka min puia advise-te min pe turin leh thuziak lamah pawh minpui turin chhiartute zawng zawng ka ngen takmeuh a che u.

Thu hmahruai atang ngawt pawhin mite kalphung lo ang takin ka tan nghal ngawt hi. Amaherawhchu Mualliamta Upa Lalthankima, Dawrpui Vengthar thuziak ril tak mai "Pathian hnen thlenna kawng" tih hian ka chhiar hmasak ber ni atangin ka thinlungah hmun a chang nghet nghal hle a, vawiin ni thleng hian a reh leh tawh ngai lo. A thatlai huna ziahchhawn phalna min lo pe hlauh kha vannei ka inti takzet a ni. He thuziak ropui tak mai hian hun hrehawm leh harsa tak tawh lai pawhin Lalpa remruat kan chunga lo thleng a ni tih min hriatchhuah nawn tir fo thin a, he blog ka siam rual rual pawhin ka thinlunga thuziak rawn lang hmasaber anih bawk avangin Thuhmahruaite hmahruaitu atan ka han thlang ta ngawt a ni.

He blog kal zel dan turah hian ngaihdan mumal tak ka nei lo va. Eng ang kawng zawngin nge hma ka lak ang a, engtinnge ni zel ang tih pawh ngaihdan ka nei thiam chuang lo. PATHIAN kutah ka dah tawp a, Anin a tih tihin a ti ang chu.

Chhiartute zawng zawngin engemaw ti kawngzawng tala hlawkna in lo hmuh ve ngei theihna turin duhsakna sang ber ka hlan a che u.


Lalrintluangi
B/20 Dawrpui Vengthar, Aizawl.

PATHIAN HNEN THLENNA KAWNG

Buaina tawk ngai lo ila,
Thinglung pawh hi hlim reng se,
Chu ram mawi chu ka zawng ang em?

Zan awm ngai lohna ram chu,
Chauh chang te nei lo ila,
Phurritin min delh lo se,
Pathian pek thlamuanna chu
Zawn nachang ka hria ng em?

Damloh chang te awm lo se,
Napawh tuar ngai lo ila,
Chhandamtun min kai dawn se,
Ban nachang ka hria ang em?

Lungngaih hre ngai lo ila,
Engmah hloh ngia lo ila,
Ka thalrau hian kraws bulah
Hahdamna a zawng ang em?

Ka duhthusam thilte chu,
Nitin nei thei zel ila,
Pathian hmaah thingthiin
Dil nachang ka hria ang em?

Khawvawt hrehawm ka tuar nan
Thlasik hun hi awm lo se,
Thal khaw lum leh nuam tak hi
Ngaih nachang ka hria ang em?

Hei hi mahni ka inzawt
A chhanna pawh a chiang sa
Damchhungin hlim reng ila,
Na pawh tuar ngai lo ila,
Pathian ka ngai lovang a,
Koh nachang pawh ka hre lawng,
Lungngaihna tlakbuakte chuan,
A hmel an zawng zawk fo thin,
Tuarna avanga hmututen
An hmuh anga chiang rengin,
Tumahin kan Pa hmel chu
An hmu dawn si lo va.